Esta é a web da pasada edición do Castelo Conta 2026. Visita a web actual aquí.
Toda a actualidade do Castelo Conta e a actividade da asociación
O segundo día do Castelo Conta levounos das fragas de Cabrois ás regueifas de Vilaverde, para rematar a noite ao ritmo da nova música urbana galega. Así foi o Martes do Castelo Conta 2026.
A segunda xornada do Castelo Conta foi para descubrir, aprender e reivindicar o que é noso. Desde as fragas de Cabrois ata a praza da Taberna, pasando por Vilaverde e pola música urbana, o martes tivo un fío común: a vontade de manter vivas as historias, as palabras e as músicas que forman parte da nosa identidade.
A xornada comezou coa cativada de Xente Miúda, que percorreu a fraga de Cabrois para descubrir as especies autóctonas da contorna. O Vermú na Taberna tivo sabor a Ribeira Sacra: aos fogóns, Begoña Vázquez e Manuel Rodríguez. A música que os acompañou foi a do dúo Tapa d’Orella que, máis que ‘racións musicais’, serviron o menú completo. E ao caer o sol, os protagonistas do serán foron as novas voces da escena urbana galega: Kid Mount e 9Louro.
Onte, enchimos de vida Castelo de Abaixo. Máscaras feitas a partir da natureza, a Taberna chea de xente, petiscos, música e unha historia que volvía á memoria da parroquia. Así foi o Luns 24 do Castelo Conta 2026.
O Castelo Conta 2026 botou a andar cunha primeira xornada na que houbo tempo para crear, comer, cantar e lembrar. Desde Xente Miúda ata a Orquestra Bravú Xangai, comezou unha semana que a parroquia levaba tempo agardando.
A décimo primeira edición do Castelo Conta arrincou co obradoiro de máscaras de Xente Miúda e o son de Factoría de Subsistencia no vermú. A xornada continuou cos Contos de Castelo que, xunto a veciñanza da parroquia, conmemoraron a historia de Finita Gay. E para pechar esta primeiro día, Bravú Xangai puxo o broche final cun concerto cheo de enerxía.
Isto xa comeza! Hoxe damos por comezada ‘Outra Volta á Festa’, cunha nova edición do Castelo Conta. Agárdanos unha semana de moita xuntanza e enerxía para celebrar, un ano máis, o gusto de vivir no rural e de tecer comunidade arredor da nosa cultura e tradición.
O Castelo Conta volve colaborar con Ecos do Sur para achegar ao festival o traballo dunha organización comprometida coa inclusión, a diversidade e a igualdade de oportunidades. A colaboración incluirá un espazo informativo durante o sábado e unha nova camisola solidaria cuxos beneficios serán destinados integramente á entidade.
O Castelo Conta renova a súa colaboración coa Federación de Asociacións de Persoas Xordas de Galicia (FAXPG) para garantir o acceso á cultura e ao ocio das persoas xordas. A Noite do Castelo Conta, o sábado 29 de agosto, contará con interpretación en Lingua de Signos Española (LSE).