Esta é a web da pasada edición do Castelo Conta 2026. Visita a web actual aquí.
Toda a actualidade do Castelo Conta e a actividade da asociación
Manzaneda acolleu a última das seis preestreas do proxecto, nun encontro no que as protagonistas volveron atoparse coas súas historias e compartiron co público as reflexións construídas ao longo destes meses.
A Asociación Párkinson Galicia-Coruña estará presente nos Contos de Castelo do xoves 27 de agosto, nunha xornada adicada aos coidados e ao proxecto ‘Mulleres que Contan’.
A última parada na ruta previa á proxección final do documental no Castelo Conta foi en Manzaneda. O pasado luns 17 de agosto tivo lugar na Praza da Igualdade, xunto ao Centro de Saúde Virxe das Ermitas, unha nova preestrea protagonizada polas historias, as lembranzas e as voces das mulleres da contorna. Con esta xornada pechamos a ruta de preestreas antes do encontro final no festival. Estas son algunhas das imaxes que resumen unha xornada chea de memoria, emoción e moitas voces compartidas.
A Praza do Concello de Triacastela acolleu a penúltima preestrea do documental, nunha xornada na que as protagonistas estiveron acompañadas polas súas familias, amigos e veciñanza, con quen puideron compartir as lembranzas, reflexións e aprendizaxes construídas durante o proceso.
A penúltima parada no percorrido previo á estrea final de ‘Mulleres que Contan’ foi en Triacastela. O pasado domingo 16 de agosto, a Praza do Concello acolleu unha nova preestrea, nun encontro protagonizado polas historias, as lembranzas e as voces das mulleres da contorna. Xa queda moi pouco para que todas estas historias se reúnan nunha mesma peza: o 27 de agosto, no Castelo Conta, terá lugar a estrea do documental. Estas son algunhas das imaxes que resumen unha xornada de encontro, memoria e celebración xunto ás súas protagonistas.
A veciñanza e visitantes reuníronse en Folgueira para vivir a eclipse total de sol desde un punto de observación habilitado especialmente para a ocasión.
Castelo viviu a eclipse total de sol desde un punto de observación habilitado especialmente para a ocasión. Aínda que as nubes dificultaron a súa visibilidade, o momento da totalidade deixou Castelo ás escuras en pleno serán, nunha experiencia marcada pola expectación e a sorpresa.
A xornada continuou na Taberna do Castelo Conta con churrasco, música de BÖJ e un ambiente tranquilo de encontro e baile. Unha actividade especial que, grazas á colaboración de Máis Enerxía Galega, serviu tamén como adianto da nova edición do Castelo Conta.
A deste mércores será unha tarde moi especial. Desde o Castelo Conta organizamos un visionado desde Folgueira, nun monte que preparamos para a ocasión coa axuda das e dos veciños durante estas semanas. Por suposto, non faltará a música e a gastronomía. Máis Enerxía, un dos patrocinadores do festival, fai posible esta iniciativa.
O Cruceiro de Castelo, en Taboada, acolleu o pasado martes 4 de agosto unha nova preestrea da peza documental dedicada ás mulleres deste territorio, nun encontro no que as protagonistas estiveron acompañadas polas súas familias, amizades e veciñanza.