Esta é a web da pasada edición do Castelo Conta 2026. Visita a web actual aquí.
Toda a actualidade do Castelo Conta e a actividade da asociación
O venres tivemos unha xornada ben completa! Comezamos coa maxia do cine de sombras de Xente Miúda, seguimos cun Vermú na Taberna con Kike Piñeiro, Lucía Freitas e Ulex, e pola tarde gozamos de mitos e lendas con Contos Castelo. Para pechar, os concertos de Antía Muíño e Xoel López puxeron o broche de ouro.
Unha mañá entre xogos e sombras, unha tarde para recuperar mitos e lendas e unha noite de música, encontros e cancións compartidas. Así foi o venres no Castelo Conta.
Poñemos en marcha unha residencia artística para crear un libro ilustrado a partir do diálogo entre escrita, ilustración e territorio. As persoas seleccionadas traballarán en Castelo, en contacto coa veciñanza, e o proxecto resultante será editado e presentado no Castelo Conta 2027.
Coidados, historias de vida e a emoción da estrea de ‘Mulleres que Contan’. Un día que comezou entre música e baile e acabou coa Polideportiva convertida en festa coa volta de De Ninghures.
O xoves foi un día para crear, compartir e reivindicar. Da imaxinación de Xente Miúda á feira de De Ninghures, pasando polos Vermús, os Contos de Castelo e a estrea de ‘Mulleres que Contan’.
O xoves foi un deses días nos que pasou de todo! Comezamos cun obradoiro de Xavi Lozano e un Vermú na Taberna con Bea Sotelo e Álex Méndez, coa música de Unto Vello. Pola tarde, conversamos sobre os coidados e estreamos o documental ‘Mulleres que Contan’. E para pechar, a feira de De Ninghures puxo punto e final a unha xornada ben completa.
Onte, a choiva non impediu que o mércores estivese cheo de baile, música e tradición. Desde Xente Miúda ata a Foliada, pasamos o día entre monicreques, contos, petiscos e moitos pasos de baile. Así foi o mércores 26 do Castelo Conta 2026.
O mércores no Castelo Conta foi un día de baile, música e tradición. Desde Xente Miúda ata a foliada, a cultura popular foi aparecendo en diferentes formas e deixando a Eira do Ferrador preparada para unha noite que acabou co ceo despexado e co público bailando.
Onte a cousa foi de baile! Tivemos a Artur Puga cos seus obradoiros, dedicados ao ensino do movemento. Os nenos tamén desfrutaron do espectáculo de monicreques, ‘O tranvía de Leonardo’. O vermú tivo o sabor dos bocadillos de churrasco de Damián París, Lolo Mosteiro e Paula Martínez. E a xornada pechouse co concerto de Ailá e a tan agardada foliada do Castelo Conta.