Esta é a web da pasada edición do Castelo Conta 2026. Visita a web actual aquí.
Toda a actualidade do Castelo Conta e a actividade da asociación
Ao longo dos Vermús na Taberna do Castelo Conta 2026, dezaseis cociñeiros e cociñeiras achegaron a Castelo as súas propostas, os seus produtos e a súa maneira de entender a gastronomía. Agora que a festa rematou, propoñemos devolverlles a visita e seguir descubrindo o seu traballo nos restaurantes onde cociñan cada día.
O merchandising da décimo primeira edición xa está dispoñible na tenda online da web e na aplicación do festival, con novas camisolas e un suadoiro deseñados arredor da identidade visual deste ano.
Así foi o domingo de San Ramón no Castelo Conta 2026. Unha xornada para celebrar a tradición, compartir mesa e despedir unha semana de festa feita en comunidade.
A última xornada do Castelo Conta volveu poñer no centro a romaría, a comunidade e as tradicións da parroquia para pechar unha semana de festa feita coa veciñanza e polo territorio.
O último día do Castelo Conta foi unha xornada para lembrar! Amencemos ao son da alborada e o aroma a café e seguimos coa xa tradicional ruta de coches clásicos. Mentres, na capela de San Ramón, celebrouse a misa. E, para pechar esta volta á festa, unha romaría coma as de toda a vida: un xantar popular acompañado da música de La Ocaband.
O sábado do Castelo Conta2026 foi unha xornada para cantar, comer, rir e bailar: desde Bibopalula e a gran sesión vermú ata a Noite do Castelo Conta e o concerto de Gin Toni’s.
Pechamos o sábado! Neste día houbo de todo: a mañá comezou ao son dos paxaros de Bibopalula, seguida dun completo vermú con Chisco Jiménez, David Vilariño, Moncho Méndez e Pablo Morales. Ao mediodía chegou a música coa festa de Tanto Nos Ten, á que seguiron Quinkillada e Skadelos. O broche de ouro da xornada foi a Noite do Castelo Conta.
O sábado foi unha sucesión de encontros, música e festa no Castelo Conta. Desde as cancións de Bibopalula ata as últimas versións dos Gin Toni’s, a xornada non deu tregua.
A última mañá de Xente Miúda, os sabores do mar na Taberna, os mitos e lendas do monte Xalo e unha noite de música con Antía Muíño e Xoel López. Así foi o venres no Castelo Conta 2026.