Diversión, intensidade e festa asegurada nunhas actuacións que farán bailar ao público tanto na sesión vermú como nas festas da noite.
Xacobo DJ é coñecido pola súa capacidade de crear unhas sesións de música frescas, innovadoras e sempre cun toque persoal que transforma calquera espazo nunha pista de baile imparable. A súa posta en escena é sinxela pero poderosa, centrada na festa e no disfrute colectivo, sen importar a hora do día.
Co seu estilo directo e festivo, este DJ faise dono do ritmo da noite mesturando influencias do funk, disco e house con toques actuais que conquistan desde o primeiro tema.
Xacobo DJ pechará a xornada do venres 28 e levará a festa á sesión vermú do sábado 29 de agosto, cuns pases que traerán ao Castelo Conta intensidade e alegría, ideal para bailar sen parar e non deixar de sorrir.
O evento conta co apoio da Xunta de Galicia a través da Axencia Turismo de Galicia, no marco dos Concertos do Xacobeo.