Casa Rodríguez, a Taberna do Castelo Conta, acolle unha nova edición dos Vermús na Taberna, unha proposta que reúne gastronomía galega, música en directo e encontro arredor da cultura do país.
Xoves 27
‘Mulleres que Contan’
Presentado na pasada edición do festival, Mulleres que Contan chega agora á súa estrea. O documental colaborativo recolle o proceso vivido por mulleres de seis territorios rurais galegos arredor dos coidados, a través das súas historias, reflexións e reivindicacións.
Xente Miúda
Xente Miúda é o espazo reservado para a cativada no Castelo Conta. Unha semana na que gozar dunha gran variedade de actividades.
De Ninghures
Unha viaxe musical na que a tradición se mestura con ritmos de todo o mundo para revolucionar o torreiro cunha auténtica feira.
Unto Vello
Un dúo musical que rende devoción ao saber das cantareiras a través dunha proposta de música tradicional feita para tecer comunidade e facer bailar a todo o público.
Contos de Castelo
As tardes no Castelo Conta son para falar, escoitar e compartir. Os Contos de Castelo celebran a oralidade como ferramenta para gardar e transmitir a nosa memoria.